Die Flooze van Witbank sit die blieng in die ‘bliengmasjien’

Die Flooze van Witbank is terug met ’n masjien vol blieng.

“En wat kry jy as jy ’n spul spanners meng met silwer sequence?” vra Flooze wanneer sy oor haar splinternuwe album, Die Bliengmasjien, begin gesels.

Blieng-bada-blieng… Bada-blieng-blieng-blieng, al wat jy sien, is Die Blingmasjien. “Ek scheme tien uit tien, maar laat ek jou vertel: Tinkerbell word Blinkerbell…” voeg sy knipoog by.

Sy is Flooze, die goose wat die Tennis Tune kan doen op die ritme van Boris Becker se topspin-tennisballe. Sy is die rowwe blond wat jou happy chappy groet met ’n opgetofde Hoezit my Tjomma-mix. Sy is die meisie wat danse het, wat lyk soos iets uit ’n Kung-Fu Panda-fliek.

En nou bring sy Die Bliengmasjien wat haar nuwe treffers gaan laat sparkle-sparkle soos ’n diamant reg uit Kimberley se gat.

Haar spiksplinternuwe skitteralbum, Die Bliengmasjien, is hier met klanke wat in jou ore gaan herhaal en jou luidsprekers kliphard laat gons. Sy meen jy gaan dans en skud soos ’n Loskopdam-likewaan tot die goud in jou tande loskom en jy méér sal blieng-blieng as ’n botteltjie blinkertjies in die China mall.

Met dié nuwe album is Flooze reg om enige partytjie aan die gang te kry en ’n stywe atmosfeer vinnig te verander na iets wat gemaklik en grapperig is.

Sy verruil haar rooi leerbaadjie vir ’n skitter-nommertjie wat só gaan skyn dat selfs die son ’n sonbril gaan moet opsit.

Kyk uit vir Die Bliengmasjien binnekort by jou naaste musiekwinkel en digitaal op iTunes en JOOX.

Loer hier onder na haar na haar nuwe musiekvideo treffer:- Flooze – DIE BLIENGMASJIEN

Enjoyed this post? Share it!

 

Leave a comment